இந்துகளுக்கு எதிராக கருத்து வெளியிட்ட பாகிஸ்தான் அமைச்சர் அதிரடியாக பதவி நீக்கம்!

இந்துகளுக்கு எதிராக தரக்குறைவான கருத்துக்களை வெளியிட்ட பாகிஸ்தானிலுள்ள பஞ்சாப் மாநில தகவல் மற்றும் கலாசார துறை அமைச்சர் ஃபாயஸ் உல் ஹாசன் சோஹன் பதவி நீக்கம் செய்யப்பட்டுள்ளார்.

பஞ்சாப் மாநில முதல்வரின் செய்தித் தொடர்பாளர் இதனை உறுதிப்படுத்தியுள்ளார்.

இது தொடர்பாக காணொளி ஒன்றினை வெளியிட்டுள்ள செய்தி தொடர்பாளர் ஷபாஸ் கில், ”இந்நிகழ்வு துரதிருஷ்டவசமானது. சோஹன் சொன்ன கருத்தில் இருந்து பஞ்சாப் அரசு விலகி நிற்கிறது. அது பஞ்சாப் அரசின் கருத்தல்ல.

இந்துக்கள் உட்பட எந்த சிறுபான்மையினரையும் அவமதிக்கும், புண்படுத்தும் கருத்துக்களையோ செயல்களையோ, பஞ்சாப் அரசு அனுமதிக்காது என முதலமைச்சர் கூறியதாகவும்“ அவர் தெரிவித்துள்ளார்.

இதேவேளை, இந்துக்களை புண்படுத்தும் விதமாக நடந்துகொண்டதற்காக அமைச்சர் பதவியில் இருந்து நீக்கப்பட்டதாக பாகிஸ்தான் ஆளும் கட்சியான தெஹ்ரீக் – இ – இன்சாஃப்பின் அதிகாரபூர்வமாக அறிவிக்கப்பட்டுள்ளது.

தெஹ்ரீக் – இ – இன்சாஃப்பின் உத்தியோகப்பூர்வ டுவிட்டர் பக்கத்தில் இந்த விடயம் தெரிவிக்கப்பட்டுள்ளது.

”பாகிஸ்தான் கட்டமைக்கப்பட்டது சகிப்புத்தன்மை எனும் முதல் தூணால்தான்” என அந்த டுவிட்டில் குறிப்பிடப்பட்டுள்ளது.

தொடர்டர்புடைய செய்திகள்
தமிழீழ விடுதலைப்புலிகள் இயக்கத்துடன் தொடர்புடையதாக கூறி 7 நபர்களை மலேசிய காவலதுறை கைது செய்யப்பட்டது தொடர்பில் நடைப்பெற்ற பாதுகாப்பு துறையினால்
கொழும்பு கோட்டை ரயில் நிலையத்தில் விசேட பொலிஸார் குவிக்கப்பட்டுள்ளனர் என பொலிஸ் பேச்சாளர் தெரிவித்துள்ளார். குறித்த பொலிஸார் கோட்டையில் இருந்து
எதிர்வரும் ஜனாதிபதி தேர்தலில் தமிழ் மக்களது பொதுவேட்பாளராக களமிறங்க தமிழ்த் தேசியக் கூட்டமைப்பு தலைவர் இரா.சம்பந்தனிடம் கோரிக்கை விடுக்கப்பட்டுள்ளது.நேற்றைய தினம்

About இலக்கியன்

மறுமொழி இடவும்