கோத்தபாயவுக்கு எதிராக பிரித்தானியாவிலும் வழக்கு!

முன்­னாள் பாது­காப்­புச் செய­லர் கோத்­த­பாய ராஜ­பக்­ச­வுக்கு எதி­ராக அமெ­ரிக்­கா­வில் தொட­ரப்­பட்ட வழக்­கி­னைப்­போல் பிரித்­தா­னி­யா­வி­லும் வழக்­கு­க­ளைத் தொடர்­வ­தற்­கான சாத்­தி­யக்­கூ­று­கள் உள்­ள­தாக உண்மை மற்­றும் நீதிக்­கான அமைப்­பின் பணிப்­பா­ள­ரும் மனித உரி­மை­கள் செயற்பாட்டா­ள­ரு­மான யஸ்­மின் சூக்கா தெரி­வித்­தார்.

இலங்­கை­யின் முன்­னாள் பாது­காப்பு செய­லர் கோத்­த­பாய ராஜ­பக்­ச­வுக்கு எதி­ராக அமெ­ரிக்­கா­வில் வழக்கு தொட­ரப்­பட்­டுள்­ளது. சித்திரவதைகளை அனு­ப­வித்த நூற்­றுக்கு அதி­க­மா­னோர் பிரிட்டனிலும் புலம்­பெ­யர்ந்து வாழ்­கி­றார்­கள்.

அந்­த­வ­கை­யில் சித்­தி­ர­வ­தை­கள் தொடர்­பில் பிரிட்­ட­னி­லும் வழக்குகளைத் தொடர்­வ­தற்­கான சாத்தி­யக்­கூ­று­கள் உள்­ள­னவா என லண்­ட­னில் இடம்­பெற்ற ஊடக மாநாட்­டி­னைத் தொடர்ந்து இடம்­பெற்ற நேர்­கா­ண­லில் யஸ்­மின் சூக்­கா­வி­டம் கேள்வி எழுப்­பப்­பட்­டது. இதற்கு பதில் அளிக்கும்­போதே அவர் மேற்­கு­றிப்­பிட்­ட­வாறு தெரி­வித்­தார்.

அவர் மேலும் தெரி­வித்­த­தா­வது:

‘நிச்­ச­ய­மாக அதற்­கான சாத்­தி­யக்­கூ­று­கள் உள்­ளன. ஏனெ­னில் சித்திரவ­தை­கள் என்­பது பன்­னாட்டு ரீதி­யில் தடை­செய்­யப்­பட்ட குற்­றச் செய­லா­கவே கரு­தப்­ப­டு­கின்­றது. பிரித்­தா­னி­யா­வி­லும் அமெரிக்கா­வி­லும் இவ்­வாறு வழக்கு தொடர்­வ­தில் உள்ள வித்­தி­யா­சம் என்­ன­வெ­னில் அமெரிக்காவா­னது சித்­தி­ர­வ­தைக்கு உள்­ளா­ன­வர்­களை பாது­காப்­ப­தற்கு என தனி­யான சட்­டம் ஒன்­றினை நடை­மு­றைப்­ப­டுத்­தி­யுள்­ளது.

அந்த சட்­டத்­தின்­படி வழக்கு தொடர்­ப­வர்­கள் எவ­ராக இருந்­தா­லும் அவர்­கள் அந்த நாட்­டில் அல்லாது வேறு எந்த நாட்­டில் சித்­தி­ர­வ­தைக்கு உள்­ளாக்­கப்­பட்­டி­ருந்­தா­லும் அவர்­கள் அந்த சட்டத்தின் கீழ் வழக்­கினை தொடர முடி­யும். ஆயி­னும் சித்­தி­ர­வ­தையை செய்­த­வர் மீது அழைப்பாணையை வழங்க முடி­யு­மான பட்­சத்­தில் மாத்­தி­ரமே வழக்கை தொடர முடி­யும்.

பிரிட்­ட­னி­லும் இவ்­வா­றான பல வெற்­றி­க­ர­மான வழக்­கு­கள் நடைபெற்றுள்­ளன. உதா­ர­ண­மாக நேபா­ளத்­தைச் சேர்ந்த கேணல் தரநிலை இரா­ணுவ வீரர் குணால் லாமா என்­ப­வ­ருக்கு எதி­ராக பிரித்தானியாவில் வழக்­குத் தொட­ரப்­பட்டு அவர் பிரித்தானியாவுக்கு வந்­த­போது கைது செய்யப்பட்­டார்.

இறு­தி­யில் போர்க் குற்­றங்­கள் குறித்து அவர் தப்­பித்­துக்­கொண்­டா­லும் அவ­ரது வழக்­கின்­போது ஏரா­ள­மான கேள்­வி­களை வழக்­க­றி­ஞர்­கள் முன்வைத்­தார்­கள். மேலும் சித்­தி­ர­வ­தை­கள் தொடர்­பாக அதனை தடுப்பதற்­கான நட­வ­டிக்கை எடுக்­க­வேண்­டிய கட்­டா­யம் எல்லா நாடுகளுக்­கும் உள்­ளது. அதே­போல் சித்­தி­ர­வ­தை­க­ளுக்கு பொறுப்பானவர்­களை தண்­டிக்­கும் கடப்­பா­டும் அத­னால் பாதிக்கப்பட்டவர்­க­ளுக்கு இழப்­பீட்­டைப் பெற்­றுக்­கொ­டுக்­கும் கடமையும் அந்த நாடு­க­ளுக்கு உள்ளது.

ஆயி­னும் இவ்­வா­றான வழக்­கு­க­ளில் அர­சி­யல் தலை­யீ­டு­கள் இருப்பதனைத் தவிர்க்க முடி­யாது என அவர் மேலும் குறிப்பிட்டுள்ளார்.

தொடர்டர்புடைய செய்திகள்
புதிய அரசியல் கூட்டணியை உருவாக்குவது தொடர்பாக, முக்கிய முடிவை எடுப்பதற்காக, ஐக்கிய தேசிய முன்னணியின் பங்காளிக் கட்சிகளின் தலைவர்கள் இன்று
இந்தியா என்பது ஒரு நாடே இல்லை இது ஒரு "United States of India" என மதிமுக பொதுசெயலர் வைகோ
இலங்கையிலுள்ள அனைத்து கட்சிகளும் சிங்கள, பௌத்த பேரினவாதத்தை முன்னெடுக்கும் நோக்கத்திற்காகவே செயற்படுவதாக தமிழ்த் தேசிய மக்கள் முன்னணியின் தலைவர் கஜேந்திரகுமார்

About இலக்கியன்

மறுமொழி இடவும்