கோப்பாய் மாவீரர் துயிலும் இல்லத்திற்கு முன்பாக மாவீரர் தினம் அனுஷ்டிப்பதற்கு சிறப்பு ஏற்பாடு

சிறிலங்கா படையினரின் எதிர்ப்பையும் மீறி கோப்பாய் மாவீரர் துயிலும் இல்லத்திற்கு முன்பாக தமிழ்த் தேசிய மக்கள் முன்னணியினரின் ஏற்பாட்டில் நாளை (27) மாவீரர் தினத்தை அனுஷ்டிப்பதற்கான ஏற்பாடுகள் மிகத் துரித கதியில் இடம்பெற்று வருகின்றன.

தற்போது யாழ். குடாநாட்டில் மழை பெய்துவருகின்ற போதிலும், மழைக்கும் மத்தியிலும் கட்சியின் உறுப்பினர்களும் ஆதரவாளர்களும் இந்தச் செயற்பாட்டில் ஈடுபட்டுள்ளனர்.

தமிழீழ மாவீரர் தினத்தை இம்முறை கோப்பாய் மாவீரர் துயிலும் இல்லத்திற்கு முன்பாக நடத்துவது என தமிழ்த் தேசிய மக்கள் முன்னணியினர் முடிவெடுத்து இன்று காலை அங்கு அதற்கான ஆயத்தப் பணிகளில் ஈடுபட்டனர்.

தமிழீழ தேசிய வர்ணங்களான சிவப்பு, மஞ்சல் கொடிகளால் பிரதான வீதியும் மாவீரர் துயிலும் இல்லத்திற்கு முன்பாகவும் அலங்கரிக்கப்பட்டன.

இதன்போது அங்கு சென்ற படையினர் தமிழ்த் தேசிய மக்கள் முன்னணியினருடன் முரண்பட்டதுடன் மேலதிக படையினரும் பொலிஸாரும் அங்கு வரவழைக்கப்பட்டனர்.

இதையடுத்து அங்கு பதற்றம் ஏற்பட்டது. எனினும் சிறிது நேரத்தின் பின்னர் அது முடிவுக்கு வந்தது. வீதிக்கு மேலாக மாவீரர் வளைவு அமைப்பதற்கு அனுமதி பெறப்பட வேண்டும் என பொலிஸார் தெரிவித்தனர்.

இதையடுத்து பிரதான வீதிக்கு மேலாக கட்டப்படவிருந்த வளைவு மாவீரர்களுக்கு சுடர் ஏற்றும் நினைவிடத்தில் வைத்து அலங்காரப் பணிகள் இடம்பெற்று வருகின்றன.

நாளை மாலை தமிழ்த் தேசிய மக்கள் முன்னணித் தலைவர் கஜேந்திரகுமார் பொன்னம்பலம், செயலாளர் செ.கஜேந்திரன், கட்சித் தொண்டர்கள், ஆதரவாளர்கள் அனைவரும் மாவீரர்களின் பெற்றோர் மற்றும் உரித்துடையோருடன் இணைந்து இங்கு மாவீரர்களுக்கு சுடரேற்றி வணக்கம் செலுத்தவுள்ளனர்.

தொடர்டர்புடைய செய்திகள்
வல்வெட்டித்துறை நகர சபை தேர்தலில் சுயேட்சை குழுவொன்று களமிறங்கி வெற்றிபெறலாமென எதிர்பார்ப்புக்கள் அதிகரித்துள்ளது. வல்வெட்டித்துறை நகர சபைக்கு இடம்பெறவுள்ள தேர்தலில்
பிரித்தானியாவில் 10.12.2017 அன்று சர்வதேச மனித உரிமைகள் தினத்தை ஒட்டி தமிழீழ நாடுகடந்த அரசாங்கத்தினால் WEMBLEY INTERNATIONAL HOTEL இல்
கிழக்கு மாகாணத்தில் சிறிலங்கா படைகளாலும் ஒட்டுக் குழுக்களாலும் வலிந்து காணாமல் ஆக்கப்பட்டோர் விடயத்தில் சர்வதேச விசாரணை நடத்தக் கோரி, இன்று

About இலக்கியன்

மறுமொழி இடவும்

*