“எனக்கும், டிரம்ப்புக்கும் இடையே உறவு இருந்தது”

“எனக்கும், டிரம்ப்புக்கும் இடையே உறவு இருந்தது” என முன்னாள் பிளேபாய் பத்திரிகை மொடல் அழகி கரேன் மெக்டோகல் கூறியுள்ளார். அமெரிக்க அதிபர் டொனால்ட் டிரம்ப் குறித்து பல்வேறு சர்ச்சைகள் வெடித்து அமெரிக்காவை உலுப்பிக்கொண்டு இருக்கிறது. குறிப்பாக அவர் மீதான பாலியல் தொடர்புகள் குறித்த குற்றச்சாட்டுக்கள் பரபரப்பைக் கிளப்பி வருகின்றன.

அண்மையில் ஆபாசப் பட நடிகை ஸ்டெபானி கிளிப்போர்ட் தனக்கும் டிரம்ப்புக்கும் இடையே நெருங்கிய உறவு இருந்ததாக கூறியிருந்தார். இப்போது இன்னொரு பெண் தனது தொடர்புபற்றி தெரிவித்திருக்கிறார். பிளேபோய் இதழின் முன்னாள் மொடல் அழகியான நியூயார்க்கைச் சேர்ந்த கரேன் மெக்டோகல், தனக்கும் டிரம்ப்புக்கும் இடையே 2006ம் ஆண்டு உடல் ரீதியான நெருக்கமான உறவு இருந்ததாக கூறியுள்ளார்.

டிரம்ப்பின் மனைவி மெலனியா டிரம்ப்புக்கு குழந்தை பிறந்த சில மாதங்களில் இந்த உறவு ஏற்பட்டதாக அவர் தெரிவித்துள்ளார். இதுகுறித்து கருத்து தெரிவித்துள்ள வெள்ளை மாளிகை செய்தித் தொடர்பாளர் ஒருவர், மெக்டோகலின் கூற்று பொய்யானது, போலியானது என்று அதிபர் டிரம்ப் கூறியதாக தெரிவித்துள்ளார்.

ஆனால் இந்த உறவு உண்மையானது என்று கூறியுள்ள கரேன், 9 மாதம், நெருக்கமாக இருந்ததாகவும், பின்னர் அந்த உறவு அப்படியே மெல்ல கரைந்து போனது என்றும் கூறியுள்ளார். கரேன் சொல்லும் அதே காலகட்டத்தில்தான் தன்னுடன் டிரம்ப் இருந்ததாக ஸ்டெபானியும் கூறியிருந்தார். அப்படியானால் ஒரே நேரத்தில் இந்த இருவருடனும் டிரம்ப் நெருக்கமான உறவை பேணி வந்தாரா என்ற கேள்வி எழுந்துள்ளதாக தெரிவிக்கப்படுகிறது.

தொடர்டர்புடைய செய்திகள்
இந்திய நாடாளுமன்ற தேர்தலில் 302 தொகுதிகளில் வெற்றி பெற்ற பாரதீய ஜனதாக் கட்சி, மத்தியில் தனிப்பெரும்பான்மையுடன் ஆட்சி அமைக்கிறது. இந்தியாவில்,
விக்கிலீக்ஸ் நிறுவனர் ஜூலியன் அசாஞ்சே லண்டனில் உள்ள ஈகுவேடார் நாட்டின் தூதரகத்தில் கைது செய்யப்பட்டார். பாலியல் தாக்குதல் தொடர்பாக ஒன்றிலிருந்து
சீனாவினால் முன்னெடுக்கப்பட்ட ஏவுகணைச் சோதனைக்கு அமெரிக்கா, ஜப்பான் உள்ளிட்ட நாடுகள் கண்டனம் தெரிவித்துள்ளன. ஒலியை விட அதிக வேகமாக அணுவாயுதங்களைச்

About இலக்கியன்

மறுமொழி இடவும்