பேரணி மீது சிவில் உடையில் படையினர் தாக்குதல் நடத்த திட்டம் – மகிந்த

கொழும்பில் தாம் இன்று நடத்தவுள்ள சிறிலங்கா அரசுக்கு எதிரான பேரணி மீது சிவில் உடையில் பாதுகாப்புப் படையினர் தாக்குதல் நடத்த திட்டமிட்டுள்ளதாக தமக்குத் தகவல் கிடைத்துள்ளது என்று சிறிலங்காவின் முன்னாள் அதிபர் மகிந்த ராஜபக்ச தெரிவித்துள்ளார்.

“எங்களைத் தூண்டி விடும் நோக்கில் இத்தகைய தாக்குதல்களுக்கு திட்டமிடப்படுவதாக நினைக்கிறோம்.

அத்தகைய ஆத்திரமூட்டல்கள் வன்முறைகளை ஏற்படுத்தாதிருப்பதை உறுதி செய்வதற்கு தேவையான நடவடிக்கைகள் எடுக்கப்பட்டுள்ளன.

நூறாயிரக் கணக்கான மக்கள் வீதிகளில் கூடுவதைக் கண்டு அரசாங்கம் அச்சம் கொள்கிறது. அதனால், மக்களைத் தூண்டி விட்டு முறியடிக்கப் பார்க்கிறது.” என்றும் அவர் தெரிவித்துள்ளார்.

இதற்கிடையே மகிந்த ராஜபக்சவின் இந்தக் குற்றச்சாட்டை சிறிலங்கா காவல்துறை மா அதிபர் பூஜித ஜெயசுந்தர நிராகரித்துள்ளார்.

நகரத்தினதும், நாளாந்த இயல்பு வாழ்வையும் சீர்குலைக்கும் எந்த எண்ணமும் பாதுகாப்புப் படைகளுக்குக் கிடையாது என்றும், இன்று வேலை நாள் என்பதால் மில்லியன் கணக்கான மக்கள் வீதிகளில் பயணிப்பார்கள். அவர்களின் நெருக்கடியை குறைப்பதற்கு முயற்சிப்போம் என்றும் அவர் கூறியுள்ளார்.

தொடர்டர்புடைய செய்திகள்
அரசாங்கத்துடன் இணைந்துகொள்ளுமாறு தமிழ் தேசிய கூட்டமைப்பிற்கு அமைச்சர் சம்பிக்க ரணவக்க பகிரங்க அழைப்பு விடுத்துள்ளார். தமிழ் தேசியக் கூட்டமைப்பின் பாராளுமன்ற
தமிழர் வாழ்வில் தொன்று தொட்டு தொடர்ந்து வரும் பண்பாட்டு சிறப்பான தைப்பொங்கல் திருநாளானது எமது பண்பாட்டில் தொடர்ச்சியாக பேணப்பட வேண்டிய
நூற்றுக்கணக்கான குழந்தைகள் பசியோடு வரிசையில் நின்ற போது மல்ரிபரல் செல் அடித்து நூற்றுக்கணக்கான குழந்தைகளைக் கொன்ற குற்றவாளியும், இறுதிப் போரில்

About இலக்கியன்

மறுமொழி இடவும்

*