அரசியல் கைதிகளுக்கு ஆதரவாக காணாமல் ஆக்கப்பட்டவர்களின் உறவுகள் உண்ணாவிரதம்

காணாமல் ஆக்கப்பட்டோருக்கு நீதி கோரி வவுனியாவில் தொடர் கவனயீர்ப்புப் போராட்டத்தில் ஈடுபட்டுள்ள அவர்களின் உறவினர்கள், அனைத்து தமிழ் அரசியல் கைதிகளின் விடுதலை வலியுறுத்தி இன்று அடையாள உண்ணாவிரதப் போராட்டத்தை முன்னெடுத்துள்ளனர்.

இன்று காலை ஆரம்பமான இந்த அடையாள உண்ணாவிரதப் போராட்டம் மாலை 4 மணிவரை முன்னெடுக்கப்படும் எனத் தெரிவிக்கப்படுகின்றது.

அனைத்து அரசியல் கைதிகளின் விடுதலையை வலியுறுத்தி வடக்கில் இன்று நடத்தப்படும் ஹர்த்தால் போராட்டத்துக்கு ஆதரவாகவும், அரசியல் கைதிகளின் விடுதலையை வலியுறுத்தியும் இந்த அடையாள உண்ணாவிரதப் போராட்டத்தில் ஈடுபட்டுள்ளோம் என்று காணாமல் ஆக்கப்பட்டோரின் உறவினர்கள் தெரிவித்தனர்.

வவுனியா கந்தசுவாமி ஆலயத்தில் இன்று காலை தேங்காய் உடைத்து வழிபாடுகளை மேற்கொண்ட பின்னர் அவர்கள் உண்ணாவிரதப் போராட்டத்தை முன்னெடுத்துள்ளனர்.

இதேவேளை, காணாமல் ஆக்கப்பட்ட தமது உறவுகளுக்கு நீதி கோரி அவர்கள் இன்றுடன் 233ஆவது நாளாக வவுனியாவில் தொடர் கவனயீர்ப்புப் போராட்டத்தை நடத்தி வருகின்றமை குறிப்பிடத்தக்கது.

தொடர்டர்புடைய செய்திகள்
கடந்த 2009ஆம் ஆண்டு இடம்பெற்ற இறுதி யுத்தத்தின் போது வடக்கு கிழக்கில் இராணுவத்தினரிடம் சரணடைந்தவர்கள் மற்றும் இராணுவத்தினரின் தடுப்புக்காவலில் இருந்து
தென்னிந்திய திரைப்பட உலகின் நகைச்சுவை நடிகர் கருணாஸ் இன்றையதினம் (06-04-2018) கிளிநொச்சிக்கு வருகை தந்து அங்கு காணாமல் ஆக்கப்பட்ட உறவுகளின்
காணமல் ஆக்கப்பட்ட உறவுகளை கண்டறியும் வடமராட்சி கிழக்கு மக்களின் போராட்டம் ஓராண்டைக் கடக்கிறது. வடமராட்டசி கிழக்கு மருதங்கேணி பிரதேச செயலகத்தின்

About காண்டீபன்

மறுமொழி இடவும்

*