தமிழ்த் தேசிய மக்கள் முன்னணி தனித்துப் போட்டி ?

எதிர்வரும் நாடாளுமன்றத் தேர்தலில் தமிழ்த் தேசிய மக்கள் முன்னணி தனித்துப் போட்டியிடும் முடிவிற்கு வந்துள்ளதாக நம்பகரமாக அறிய முடிந்துள்ளது.

வடக்கு மாகாண முன்னாள் முதலமைச்சர் விக்கினேஸ்வரனின் தமிழ் மக்கள் கூட்டணியுடன் இணைந்து போட்டியிட தமிழ்த் தேசிய மக்கள் முன்னணி முயற்சித்தபோதும் சுரேஸ் பிரேமச்சந்திரன் கொள்கை நிலைப்பாட்டில் உறுதியற்றவர் எனக் கூறிய தமிழ்த் தேசிய மக்கள் முன்னணி சுரேஸ் பிரேமச்சந்திரனை சம பங்காளராக புதிய கூட்டில் இணைத்துக்கொண்டால் தமிழ் மக்கள் கூட்டணியுடனான தேர்தல் கூட்டிற்கு உடன்படப்போவதில்லை என தமிழ்த் தேசிய மக்கள் முன்னணி நிபந்தனை விதித்துவந்தது.

எனினும் சுரேஸ் பிரேமச்சந்திரனை இணைத்துக்கொள்வதில் விக்கினேஸ்வரன் தொடர்ந்தும் உறுதியான நிலைப்பாட்டில் இருப்பதாகக் கூறப்படுகின்றது. இந்நிலையிலே அகில இலங்கை தமிழ்க் காங்கிரசின் சைக்கிள் சின்னத்தில் தனித்தே போட்டியிடுவது என்ற நிலைப்பாட்டிற்கு தமிழ்த் தேசிய மக்கள் முன்னணி வந்திருப்பதாக நம்பகரமாக அறியமுடிந்துள்ளது.

இது தொடர்பில் நேற்று கட்சித் தலைமையகத்தில் கட்சியின் முக்கியஸ்தர்கள் கூடி கலந்துரையாடியதாகவும் அது தொடர்பிலான தலைமையின் நிலைப்பாடுகளை அறிவிக்கும்பொருட்டு இன்று யாழ் நகரில் உள்ளூராட்சி மன்ற உறுப்பினர்களுடனான சந்திப்பினை மேற்கொண்டிருந்ததாகவும் தகவல்கள் வெளியாகியுள்ளன.

தொடர்டர்புடைய செய்திகள்
தழிழ் மக்களின் அரசியல் அபிலாசைகளை வென்றெடுக்கும் வகையில் தமிழ்த் தேசிய மக்கள் முன்னணியும் நீதியரசர் விக்னேஸ்வரனும் ஒன்றிணைந்து செயற்பட வேண்டும்
தமிழினப் படுகொலை – முள்ளிவாய்க்கால் - நினைவேந்தலைத் தடுப்பதற்காகவே சிறிலங்கா அரசு யாழ். பல்கலைக்கழக மாணவர்களைக் கைது செய்து சிறையில்
யுத்தம் இடம்பெற்ற காலப்பகுதியில் இடம்பெற்ற அநீதிகளை வெளிக்கொணர முயற்சித்தமையினாலேயே ஊடவியலாளர்கள் படுகொலை செய்யப்பட்டனர் என தமிழ் தேசிய மக்கள் முன்னணியின்

About இலக்கியன்

மறுமொழி இடவும்