எடப்பாடி அரசு பெரும்பான்மையை நிரூபிக்க கவர்னர் உத்தரவிட வேண்டும்: வைகோ

எடப்பாடி அரசு மெஜாரிட்டியை நிருபிக்க கவர்னர் உத்தரவிட வேண்டும் என ம.தி.மு.க. பொது செயலாளர் வைகோ கூறியுள்ளார்.

ம.தி.மு.க. பொது செயலாளர் வைகோ தஞ்சையில் இன்று நிருபர்களுக்கு பேட்டி அளித்தார். அப்போது அவர் கூறியதாவது:-

நீட் தேர்வு விவகாரத்தில் தமிழக சமூக நீதிக்கு மத்திய அரசு வேட்டு வைக்கும் பணியில் ஈடுபட்டு விட்டது. இதனால் ஏழை, கூலி தொழிலாளி, டெய்லர் மகன்கள் டாக்டர் ஆக முடியாது.

நான் உலக புகழ் பெற்ற டாக்டர்களிடம் கருத்து கேட்டேன். அவர்கள் அரசு பள்ளியில் படித்து தான் டாக்டர் ஆனதாக கூறினார்கள். தமிழகத்தில் 3 ஆயிரத்து 340 மருத்துவ இடம் உள்ளது.

இதில் 80 சதவீதம் பேர் வெளி மாநில மாணவர்கள் படித்து அவர்கள் டாக்டராகி வேறு மாநிலத்துக்கு சென்று விடுகிறார்கள்.

தமிழகத்தில் நீட் தேர்வுக்கு ஓராண்டு விலக்கு அளிக்கப்படும் என 1½ மாதங்களாக அமைச்சர்களை வரவழைத்து காலில் விழ வைத்து தற்போது விலக்கு அளிக்க முடியாது என மத்திய அரசு அறிவித்து உள்ளது.

நீட் தேர்வு விவகாரத்தில் தமிழக அரசுக்கு மத்திய அரசு துரோகம் செய்து விட்டது. டி.டி.வி. தினகரன் ஆதரவு எம்.எல்.ஏ.க்கள் 19 பேர் கவர்னரை சந்தித்து வாபஸ் கடிதம் கொடுத்ததாக தகவல் வெளியாகி உள்ளது.

இது உண்மை என்றால் சட்டசபையை கூட்டி பெரும்பான்மையை நிரூபிக்க எடப்பாடிக்கு உத்தரவிடும் பொறுப்பு கவர்னருக்கு உள்ளது.

இவ்வாறு வைகோ கூறினார்.

தொடர்டர்புடைய செய்திகள்
காவிரி மேலாண்மை வாரியம் அமைக்காமலும் பல்வேறு பேரழிவுத் திட்டங்களைச் செயல்படுத்தியும் தொடர்ச்சியாக தமிழகத்தை வஞ்சிக்கும் மத்திய அரசுக்கெதிராக தமிழகம் முழுவதும்
இந்தியாவுக்கு வருகை புரிந்துள்ள கனடா பிரதமர் ஜஸ்டின் ட்ரூடோவை கௌரவிக்கக்கோரி நாம் தமிழர் கட்சியின் தலைமை ஒருங்கிணைப்பாளர் சீமான் அவர்கள்
விஷாலும் தனிக்கட்சி துவங்கும் ஐடியாவில் உள்ளாராம். பல காலமாக இழுத்தடித்த சூப்பர் ஸ்டார் ரஜினிகாந்த் ஒரு வழியாக தனிக்கட்சி துவங்கி

About இலக்கியன்

மறுமொழி இடவும்