சிறிலங்காவுக்கு வருகை தந்துள்ள பாகிஸ்தான் இராணுவ உயர்மட்ட அதிகாரிகள் சிறிலங்காவின் படை அதிகாரிகளுடன் சந்திப்புக்களை மேற்கொண்டுள்ளனர்.
பாகிஸ்தான் – சிறிலங்கா படை அதிகாரிகளுக்கு இடையே இடம்பெறும் நான்காவது சுற்றுப் பேச்சுவார்த்தை இது என தெரிவிக்கப்பட்டுள்ளது.
பாகிஸ்தான் இராணுவத்தைச் சேர்ந்த மேஜர் ஜெனரல் ஹபீஸ் உர் ரஹ்மான, பிரிகேடியர் சையத் இம்ரான் அக்தர், கேணல் சஜாட் அலி உள்ளிட்ட அதிகாரிகள் இச்சந்திப்பில் கலந்துகொண்டனர். .
இச்சந்திப்பில் சிறிலங்கா இராணுவத்தின் சமிக்ஞை அதிகாரி மேஜர் ஜெனரல் அஜித் விஜேசிங்க தலைமையிலான படை அதிகாரிகள் கலந்துகொண்டனர்.
இந்த பேச்சுவார்த்தையின் போது கூட்டு பயிற்சிகள், ஆராய்ச்சி மற்றும் வளர்ச்சி மற்றும் பல்வேறு இராணுவ பரிமாற்ற திட்டங்கள் தொடர்பாக கலந்துரையாடப்பட்டுள்ளது.
