எந்தவித நிபந்தனைகளுமின்றி உடனடியாக அரசியல் கைதிகளை விடுதலை செய்யவேண்டும்!

நல்லாட்சி அரசாங்கம் எந்த வித நிபந்தனைகளுமின்றி உடனடியாக அரசியல் கைதிகளையும் விடுதலை செய்யவேண்டும் என உலகத் தமிழ் மாணவர் ஒன்றியத்தின் பொதுச்செயலாளர் ஆறுமுகம் யோன்சன் தெரிவித்துள்ளார்.

அனுராதபுரம் சிறைச்சாலையில் உண்ணாவிரதம் இருக்கும் மூன்று அரசியல் கைதிகளின் விடுதலையை வலியுறுத்தி யாழ் பல்கலைக்கழக மாணவர்கள் மேற்கொண்டு வரும் போராட்டத்திற்கு ஆதரவு தெரிவித்து குறித்த போராட்ட களத்திற்கு சென்று நேற்று (01) பார்வையிட்டதன் பின்னர் ஊடகங்களுக்கு கருத்துத் தெரிவிக்கையிலேயே அவர் இவ்வாறு குறிப்பிட்டிருந்தார்.

மேலும் அவர் கூறுகையில்…

அனுராதாபுரம் சிறைச்சாலையில் உண்ணாவிரதம் இருக்கும் அரசியல் கைதிகளை உடனடியாக எந்தவித நிபந்தனைகளுமின்றி இந்த நல்லாட்சி அரசாங்கம் உடனடியாக விடுதலை செய்யவேண்டும்.

இல்லாவிட்டால் உலகத் தமிழ் மாணவர் ஒன்றியத்தினராக நாம் வடகிழக்குப் பகுதிகளில் அனைத்து மாணவர்கள், இளைஞர்கள்,யுவதிகள், அனைத்து பொது அமைப்புக்களையும் ஒன்று திரட்டி பாரியதொரு மக்கள் போராட்டமாக குறித்த அரசியல் கைதிகளின் கோரிக்கைகள் நிறைவேறும் வரை போராட்டத்தை நடாத்த உள்ளோம் என உலகத் தமிழ் மாணவர் ஒன்றியத்தின் பொதுச் செயலாளர் ஆறுமுகம் ஜோன்சன் கருத்துத் தெரிவித்தார்.

தொடர்டர்புடைய செய்திகள்
முள்ளிவாய்க்கல் நினைவேந்தலை தமிழரசுகட்சியின் நினைவேந்தல் நிகழ்வாக்கும் முயற்சியில் சிலர் மும்முரம் காட்டிவருவதாக சொல்லப்படுகின்றது. அவ்வகையில் கடந்த ஆண்டு ஏற்பட்ட மோசமான
தமிழ் மக்களின் தேசியம்,சுயநிர்ணயம்,இறைமைக்கு வலுச்சேர்ப்பவர்களிற்கு வாக்களித்து அவர்களை பலப்படுத்துமாறு யாழ்.பல்கலைக்கழக மாணவர் ஒன்றியம் அழைப்பு விடுத்துள்ளது. எதிர்வரும் உள்ளுராட்சி தேர்தல்
யாழ்.பல்கலைக்கழகத்தின் சட்டபீடத்தின் எட்டாவது பிரிவுக்கு, பெரும்பான்மையாக சிங்கள மாணவர்களே உள்ளீர்த்துக் கொள்ளப்பட்டுள்ளனர். யாழ். பல்கலைக்கழகத்தின் 33ஆவது பட்டமளிப்பு விழா, கடந்தவாரம்

About இலக்கியன்

மறுமொழி இடவும்